短暫駐京chapter 2：貧富懸殊

稍為留意新聞的人，都會知道內地近期物價狂升，糧食都可以貴了50%，連領導人都多次提及要處理，避免通脹加劇。

今次來到北京買東西，也覺得真的貴了。一些普通的飲品，以往可能賣人民幣2元左右，今次呢？起碼3元以上，食物的差距就更大囉，售價隨時double或以上！我住幾個星期，尚且覺得錢唔見使，何況是北京市民？

所住酒店位處旅遊區，附近又有商廈，因此買東西較貴是更加必言的事。但看見酒店附近出沒的人，大部份都身光頸靚，有些打扮猶如中環OL，可見他們幾願意花錢。

早幾天與客戶食飯，去吃日本菜。他點了神戶牛柳，卻說是用來炒飯而已，我當刻覺得：「下，無病呀嗎？」由於其他主食較多，主人家最後都放棄了點炒飯，惟有叫廚房燒牛柳。後來他助手私底下透露，那塊面積細過隻手掌的牛柳，竟然盛惠人民幣1,600元，還面不紅、氣不咳地說：「間日本餐廳平時生意有限，若果唔係我老細周不時咁幫襯，都唔知點回本。」

雖然未致背脊骨落，但日後還是盡量避免與這些財大氣疏的人食飯。

講回物價貴的問題，其實你懂得找些平價店，還是可以慳回一點點。最驚喜是酒店附近有間CD舖，種類頗為齊全，售價更是香港的1/3至1/4，大部份由人民幣20元至35元左右。雖然是簡體字版，但卻是正版，而且我買的都是CD，又不是DVD，簡體字都可以接受。

就這樣，我買了一些都無乜幾何再見到的舊碟、一些滄海遺珠及唔捨得用百多元買的演奏CD，哈，希望可以開到公司數！