學習「射離眼」

一篇本應在2日前打的網誌，因部電腦唔生性，上極都上唔到網，搞到火氣攻心，一怒之下熄機離檯。也好，2日過後，心情已經平復過來，心中早已想好的腹稿，也大幅修改過來。

講咁耐，究竟發生咩事呢？咪就係因為舊老細個一句「對手太強」，令我心心不忿，因為事實擺到明，你地最終決定請舊同事K的最主要考慮，就是因為他係自己人。由得悉消息當天唔開心，到之後就越諗越嬲。試過有個位，我唔知點解嬲到喘晒氣，不斷叫自己冷靜，繼而深呼吸抖大氣才平復過來。

我唔敢講自己仲會俾這件事困擾幾耐，但既然有人唔識貨，我都叫自己唔好擺上心。欣慰的是，所有知悉事件的舊同事，都認同舊老細們今次是用人唯親，並非用人唯才。

或者受心情影響，近日的病情又有點反覆，好煩。但前幾天，聽跟我同為行家的師妹講其周身病痛的情況，真係幾令人擔心，脊骨移位、腸胃過敏、又失眠，瘦了10多磅。聽完覺得自己都算幾好彩，期望大家都身體健康便好了！保持心境開朗，凡事睇開D，都是其中一個維持身體健康的要素。