又一年

自己懶，再加上家中的電腦壞了，所以近日都沒有寫網誌。電腦壞了，本應要拿去整，但經歷淫照事件後，整電腦都要想清楚，哈！

又過了一個新年，真係話咁快，今年放了幾天假，拜年之外都無活動，天氣凍，更加無意慾出外閒逛。過年以來，只是買了一對新鞋，花費有限，其他的東西看了兩眼後，想買，但又提不起勁，望望個價錢牌後，更加唔使旨意我會幫襯。

復工首日，九唔搭八地去了天主教堅道座堂開工，個感覺都幾奇怪。好悶，又是如此過完一個年……

例牌地，新年之後是情人節，一個不太屬於我的節日。數數手指，今年已經是第29年一個人過，你話好傷心咩？都唔算，只係有點觸景傷情咁囉。昨日整天提不起勁，無論是搭車，抑或返到公司，都見到一雙一對一束花，夠啦！

聽好友E與一眾堪輿學家講，我今年是沖大歲，運程未必一定差，但會大上大落，面對不少改變唔知真定假啦！但下個月我要到北京出差，可能要去半個月，這是我以往未試過的，好擔心，不知怎樣應付。