Stylist

自問不是高大威猛，俊朗不凡，所以對於打扮一向也不會太上心，經常被身邊友人提點。但昨日1天之內，竟然得到3個「溫馨提示」，著實少有。

提示1：是最無厘頭。舊同事MT撞到我，突然定眼望著我。我以為我面上有甚麼啦！怎知他說：「你有無諗過留鬚呢？你留應該幾好睇……」我聽完後一呆，我真的沒有想過，但應該留怎樣的鬚呢？但MT突然要開工就走開了。但我之後又想，好多禿頭的男仕，才會選擇留鬚，難道他想暗示甚麼？

提示2：有讚有彈。A早前調派至北京，近期調返來。撞到面，當然寒喧一番，互相問候。期間A表現誠懇地說：「我覺得你豐滿左，係肥左少少，唔，應該係飽滿左！」A再解釋，話早排的我雖然瘦點，但好像很累，給人一個很乾的感覺，現時則是精神點。A說，比較喜歡這樣子的我，叫我不要再特別keep fit了。

提示3：屢勸不改。朋友E放假但到來探班，見到我便即時話：「咪叫左你著D鮮色D既衫囉，又著呢D深色衫，有無搞錯！」我一看，淺咖色恤衫、灰色褲、咖色鞋，都不是太深沉吧！E經常叫我趁年經還輕，就著得青春一點，難度日後老了才扮後生嗎？我都知，但我這身打扮，都是工作需要之嘛！