見一個 愛一個

經歷過一場不愉快的戀情後，有人對於短期內開展一段新戀情，會有擔心，會有憂慮，諸如我；但另一個極端的是，放開懷抱，務求讓自己盡快投入一段新戀情，諸如網友K。

每隔一段時間，總會跟網友K「吹吹水」，總發現他有新的「艷史」。前排他說有個日本朋友來港，陪人家遊玩。近排，就與一個對他有意思的人落酒吧，2人眉來眼去喎！早幾天，他原來透過網上交友，認識了一位住在馬來西亞的華橋，除了用msn聯絡外，還進一步傾電話，傾了2個多小時。

對於網友K的侃侃而談，我只有唯唯諾諾，交出「唔」、「係呀」及「明白」等無意思的回應。我當時心想：「你唔係恨拍拖恨成咁呀！？」當然，各人有各人的選擇，我無意干涉。

容祖兒的新歌《愛一個　上一課》，聽下去好像幾積極。但心想，如果你愛一個人時，只是抱著求求其其拍散拖，找個人陪，有個人錫的態度，你愛多少個，也上不到一課，因為沒有真正汲取到教訓，好好學習。