一半的哲學

大家或許都聽過「半杯水」的比喻：究竟杯中只有一半水？還是幸好還有一半水？樂觀和悲觀的人看著，會有不同看法。

前幾天與舊同事K和E食飯，談到一個common friend在拍拖半年後便散了，因其纏身的女友不滿他經常出差，聚下離多下於是分手。E話：「算啦！起碼有半年開心日子。」無端話題燒到我身上，他們問我的感情生活如何，我唯有話：「人地起碼都有半年開心日子，我過去半年連開心日子都無！」

跟住到K出聲：「你應該咁諗，雖然你無半年既開心日子，但亦都無唔開心既日子呀！」咁講，某程度上都唔錯得晒……

話題之後轉到纏身的問題，我們3個都異口同聲說，好怕另一半太過纏身，總要留空間給自己。但我心諗，反而會太過纏身的可能是我自己。老實說，我不算好纏身，但卻有頗強的佔有慾，總希望知道對方的消息。

迫得太緊，或者會引來反效果。