push & pull

昨晚，相約舊同事G及B食飯，美其名是聚會，實際是開3人小組會議。我們互稱「3兄弟」，我是大哥，G是二佬，B是細佬。但每次都是我這個大哥有問題，找他們出來聽聽意見。今次的議題當然是傾傾我應否返舊公司。

有時候，自己睇一件事，可能加入了很多個人因素，不夠客觀，尤其如我這種心思不太細密，邏輯思維欠奉的人。討論的細節不多說，只是記得G聽完我一大埋理由後，拋下一句：「點解你成日都係諗D pushing factor，唔諗下pulling factor；你一定係要諗有咩理由，令你唔做，唔會諗下份新工有D咩好處，令你去做！」B在旁雖則咬住塊牛肉，也點頭和應。

我從來都無留意，原來我的思維方式是如此，一記當頭棍喝，又是另一個別人看到自己的特點。

最終，我還是決定先遞份申請表，因為我反問自己多次後，我對於現職公司無甚歸屬感，也仍然不太習慣這種工作模式。或者如G所講，轉個方向，舊公司的工作環境是我熟悉的，今次職位的要求，我符合之餘，更自覺有點點優勢！總知，現時可做的就是靜待回音。