儀容之煩惱

小時候已經洞悉，自己樣貌真的普通得很，甚至我相信，會有人覺得我醜添。但難道好似吳文忻般，走去整容嗎？尚且若果要整，相信也會是大修……

雖然因為工作關係，偶而也會上鏡，但今次卻很不同，因為我答應做受訪者。前後做了3次訪問，但每次都在很匆忙的情況下完成。節目今晚出街，但我沒有告訴任何人，因為連我自己也不敢睇，究竟在鏡頭下的我會是怎樣？

家人每個星期都不會看這個節目，但不知何解今個星期又走去睇喎，唉！硬著頭皮告訴他們，一陣在節目內會見到我。我的訪問分開了2個鏡頭出，總數都超過30秒。睇完自己都想死，滿面油光，皮膚又差，髮線向上，又無刮清鬍鬚，整個look可以說是極之唔掂……

怎知，在節目出街後不足3分鐘，這個人send了個sms給我，說看了我的訪問，又指我應對得很不錯。點解他會睇這個節目？好煩呀！

早幾日與一個剛放完大假的客戶聯絡，期間不知何解講到年齡問題。他估計我是30歲出頭，當我告訴他實際年齡時，他好婉轉地說：「咁你個樣都生得幾成熟喎……」聽罷，無言以對。