不是你的「生意」

自己「喜怒形於色」的性格，真不知是好事抑或壞事？

早前已經提過，由於對同事D的工作及處事模式，感到不滿，於是起了點小衝突。原來不喜歡一個人，他做甚麼也是憎你乞！

D因為去shopping而遲到返工，老細們都未出聲，你做乜要嬲先？人地做唔切assignment，關你乜事？

D shopping時買了一對鞋，還要強調是made in Italy，你做乜要眼紅人先？人地賺到錢買名牌，還要返來show off，是人地本事，關你乜事？

D經常坐開一邊，神神秘秘傾電話，有時更行去其他組借人地個電話傾計。人地都肯借個電話出來，你理人地傾乜先？

D每星期都會約部份相熟同事出街happy hour，但永遠不會叫其他同事。你自己happy hour都是約班熟朋友啦！人地已經是一個小圈子，你硬闖入去做乜先？

D最近鐵定轉工，但只是跟老細們交代，但其他一切也不跟同事說。你都唔係老細，人地做乜要跟你交代先？

就係咁，我今晚想了一堆問題後，覺得心安理得一點，none of your business。

不是叫你冷漠冷淡待人，而是一些人若果不接受他人的關心，留下來關心自己，關心一些值得你花精神時間的人。

無須關心的，還包括那個耐不耐透過msn煩你，只是跟你say hi的人；今晚聽到他的聲音，我已再沒有逃避了……